noong ako ay naging beinte kwatro, sabi ko, sana, katumbas ng bawat isang taon na inilagi ko sa mundo mula noong 1983, mabigyan ng katuparan ang isa sa aking mga kahilingan. dahil marunong akong magbilang, at one ikwals one, meron akong dalawmput apat na kahilingan na matutupad. tutal, malapit na rin naman magpasko. baka mayroon pang bonus.
noon hindi pa ako isang nilalalang na labis na abala sa mga bagay-bagay na inaakala ng karamihan na importante, naglilista ako taon-taon ng mga kahilingan ko para sa isang taon. nilalaman ng sulatin ang mga kahilingan ko para sa sarili ko, sa mga mahala ko sa buhay, maging para doon sa medyo may nagawang hindi maganda sa akin (naisip kong mas madali itong gawin noon kay sa kapag tumanda ka na, bakit kaya?). hindi ko na alam kung bakit ako nahinto sa paggawa ng listahan na ito.
ngunit ngayon, pagkatapos ang hayatus na mahigit dalawang taon, nagbabalik ang aking wishlist.kakailanganin kong itago sa ibang pangalan o simbolo ang mga kaugnay na tao sa listahang ito. ganunpaman, alam kong magiging epektibo o mabisa pa rin ang powers ng wishlist ko.
- mabuting kalusugan ng lahat ng taong pinapahalgahan ko
patuloy na mapahalagahan ang pamilya
payapang isipan at kaligayahan
para kay A, B, C (at sa mga gusto pang magpadagdag sa listahan). hindi ako kabilang dito, isinuko ko na ang slot ko para sa iba, hehe. (i-PM ako kung gusto malaman kung kasali kayo dito hehe)
wasto at mabuting mga pagdedesisyon sa buhay
masasayang panahon kasama ang mga taong mahahalaga sa akin
maraming pagkakataong magawa ang mga bagay na nakapagpapasiya sa akin at sa aking kapwa (tunog panatang makabayan na, hehe)
proteksyon laban sa masasamang elemento
maraming magagandang surpresa sa buhay
pag-unlad sa kaisipan at paggawa
pambili ng mga"kailangang" gadyets
makapagtipid ng luha
makapag-ipon ng masasayang alaala
bawasan ang masamang emosyon na nakakapanghina
matutong magbigay ng genuine na papuri sa mabuting gawa ng iba
mahabang inuman ng kape ng wala nang panginginig
magkaroon ng oras para sa pagpapaphinga at pagbabasa
mapangalagaan ang mga tunay na kaibigan- makagawa ng isang bagay na hindi pa man nagagawa
bawasan ang pagiging masalita, bagkus ay matutong makinig sa sasabihin ng iba
magpatawa ng mga nalulungkot (pati na ang sarili)
huwag baliwalain ang mga nakikitang mali sa paligid
maging cool at steady lang- pagtibayin ang spiritwalidad
mistulang new year's resolution ang ilan sa nakasulat sa aking wishlist. kasama syempre sa mga kahilingang ito ang kahilingan na matupad sila. hehe. sa lahat ng taong bumuo at naging bahagi ng aking beinte kwatro, salamat at mahal ko kayo
maligayang beinte kwatro sa akin
No comments:
Post a Comment
love to hear from you!